Janus heilsuefling fékk á dögunum tilnefningu til Íslensku lýðheilsuverðlaunanna í flokki fyrirtækja, samtaka og stofnana.
Íslensku lýðheilsuverðlaunin er samstarfsverkefni embættis forseta Íslands, heilbrigðisráðuneytisins, Íþrótta- og Ólympíusambands Íslands, embættis landlæknis og Geðhjálpar.
Fram kemur á heimasíðu forseta Íslands að með Íslensku lýðheilsuverðlaununum sé ætlað að vekja athygli á mikilsverðu framlagi á sviði lýðheilsu og auka með þeim hætti áhuga á bættri heilsu og líðan almennings.
Óskað var eftir tillögum frá almenningi og bárust hátt í 350 tillögur.
Hægt er að lesa nánar um hverjir aðrir hafa verið tilnefndir á vef Forseta Íslands.
Tilkynnt verður hver hlýtur verðlaunin í hátíðlegri athöfn á Bessastöðum sem sjónvarpað verður á RÚV þann 19. apríl.
Við hjá Janusi heilsueflingu erum ólýsanlega þakklát og stolt með tilnefninguna.
Jafnframt óskum við öðrum tilnefndum til hamingju.
.svg)
